Bakit?

Sabihin man ng karamihan na tanga

Iwika man nilang ako'y gaga

Di ko maiwasang maghinagpis sa iyong paglayo

'Pagkat sa sandalian nating magkasama,

Ito'y nagdulot ng kakaibang sundot sa aking puso.

Nagsilbi kang gabay,

sa tuwing ako'y nalilito sa mga bagay-bagay

Nagsilbi kang payaso,

sa mga araw na gusto ko nang mamatay

Nagsilbi kang karamay,

sa mga gabing kailangan ko ng katuwang sa aking kahirapan

Nagsilbi kang lakas,

sa mga oras ng aking kahirapan.

Kaibigan kung ako'y iyong tinuring

Tinanggap ko na hanggang doon lamang ang iyong hiling

Ngunit bakit sa isang gabi,

Iba ang aking nadama sa iyong yakap at lambing?

Akala ko, "eto na!"

Akala ko, " sa wakas, siya na!"

Pero wala. Puro asa na lang pala.

Ngayo'y paalis ka Ni yakap, hindi mo man lang ibinigay.

Masakit, nakakaiyak, nakakalito.

Bakit parang bale-wala Ako sa iyo?